PUBG Mobile. Good effects and Bad effects.

PUBG MOBILE. GOOD EFFECTS AND BAD EFFECTS.

Hello friends ek bar fir se aap sabhi ka swagat hai hamare is new blog me. Aaj mai aap logo ko ek aise game ke bare mein batane wala jo bahut hi majedar hai aur pure world me famous ho chuka hai. Ji haan dosto trending number 1 pr chalne wali PUBG game ke bare me batane wala hun. Is game ne duniya ke jitne bhi game hai un sabhi ko piche chhodte hue trending number "1" pr aa chuka hai.

Ye bahut hi majedar game hai. Aaj kisi ke mobile me koi game ho ya na ho lekin PUBG jarur se jarur hona chahiye. Aaj is game ko sabhi Age group ke log khel rahe hai. Jis tarah sabhi games ka good effect aur bad effect hota hai usi trahe is game ka bhi good effects and bad effects bhi hai. To aaj ke is blog me main aap logo ko is game ke good and bad effects ke bare mein batane wala hu.




GOOD EFFECTS OF PUBG MOBILE:-

Dosto is game ko aapko khelna hai to aapko ek timetable banaa lena chahiye taki aap aaram se khel sake. Is game ko aap tabhi khele jab aap free ho. Jab aap sad hote hai tab aap is game ko khel ke apni sadness ko dur kar sakte ho. Is game ke jharia aapka IQ power bhi badhta hai. Is game se aapki jo driving skill hai wo bhi better ho jata hai. Is se aapka mind sharp hota hai. Kisi bhi kam ko karne ke liye aap quick decision le sakte ho.

Game ko khelne ke bad aap stress free feel karte hain. Jab aap stress me rahte hai to is game ko khel sakte hai. Is game ko khelne pr aapka jo stress level hai wo kam ho jata hai. Dosto ye game aaj ka sabse jyada lokpriya game hai. Is game ke jariye YouTube pr "Live stream" kar sakte hai aur waha se aap paise bhi kama sakte ho. Overall dosto agar aap is game ko khelte hai to aapko Kuch benefits honge aur kuch nuksan bhi ho sakta hai. To chaliye ham is game ke nuksan ke bare mein bhi dekh lete hai.

BAD EFFECTS OF PUBG MOBILE :-

Dosto maine pahle hi bata diya hai ki is game ko khelne ke liye aapko ek time table set kar lena chahiye. Kabhi kabhi aisa hota hai ki agar koi banda PUBG game khelne baitha ho to apna sara time game khel kar hi barbad kar deta hai. Hm logo ka time bahut hi jyada kimati hota hai. Apne time ko sahi tarike se use karne se hm success pa sakte hai.

Lekin agar game khel kar apna sara time barbad kar de to hm apne life me kuchh bhi nahi kar sakte. Jyada game khelne se hamare aankho(Eye) par asar padta hai jisse hamari aankho ki roshni kam ho jaati hai. Dosto jo student hai un sabhi ko ye game na ke barabar khelna chahiye. Agar aap is game ko khelte hai to aapka jo time hai wo bahut hi jyada barbad ho jata hai. Jis time aap game khelte hai us time aap apna padhaai bhi kar sakte hai.

Isliye dosto agar aap student hai to is game ko na hi khele to aap ke liye better ho sakta hai. Dosto kisi bhi chij ki "Ati" hamare liye nuksan dayak hoti hai. Isliye is game ko agar aap khelna chahte ho to apna time table set kar le aur is game ka aadi na bane. Agar aap jyada game khelte ho to yah aapka future barbad kar sakta hai.

CONCLUSION :-

To dosto har game ki tarah is game ke bhi kuch good effects aur kuch bad effects hai jo maine aap sabhi ko upar bata diya hai. Isliye dosto agar aap is game ko khelna chahte ho to apna free time pr hi khele. Apna ek time table set karen aur is game ko jada khelne ka prayass na karen. Game ko game ki tarah hi khele, ise apni aadat banne na de.

To mai aasha karta hu ki ye blog aap logo ke liye bahut hi jyada helpful raha hoga. Milte hai ek new interesting aur helpful blog ke sath. Love you all...

Post a Comment

0 Comments